Tgira psichiatrica ambulanta

Saver mirar da sesez – gia da natira ano possedan tut ils carstgauns quei basegns existenzial. Entras ina malsogna cronica resp. dalla psica sa il carstgaun denton tuttenina esser en ina situaziun da crisa ni sesanflar en in stan ch’el resp. siu ambient ei surcargaus ed ei aschia visaus vi sin sustegn. Nossa finamira ei da promover la sanadad e surmuntar aschi lunsch sco pusseivel quella situaziun da crisa, en la quala nus entupein ils pertuccai cun capientscha e respect.

„Ambulant avon staziunar“ – tenor quella maxima contribuescha la tgira ambulanta psichiatrica che carstgauns cun ina tala malsogna san viver a casa.

Nossa instituziun lavura ensemen cun ils „Survetschs psichiatrics dil Grischun“ (PDGR) e porscha las suandontas prestaziuns:

• cussegliaziun ed informaziun dalla clientella e/ni dils confamiliars che tgiran ils pertuccai
• elaborar ed emprender las strategias per dumignar il pensum el mintgadi
• sustegn ed accumpignament per dumignar crisas e situaziuns difficilas
• trenar ils pensums dil mintgadi (p. ex. far cumissiuns, cuschinar)
• elaborar ed emprender ina structura dil di adattada
• instrucziun pertuccont il cumpurtament en connex cun agressiun, tema ed obsessiuns
• accumpignament suenter ina dimora en ina clinica