Tariffas

Tgi surpren ils cuosts?

Ils cuosts vegnan per gronda part surpri dil cantun e dallas vischnauncas sco era dallas assicuranzas da malsauns (per prestaziuns da tgira).

Cuosts per prestaziuns da tgira (prestaziuns KLV)

Prestaziuns da tgira che vegnan surpridas dallas assicuranzas da malsauns vegnan adossadas tenor las tariffas svizras unificadas.

Ils cuosts per prestaziuns da tgira – excepiu la cumpart da 10 % e la franschisa – vegnan surpri dalla segirada fundamentala. La spitex tarmetta il quen directamein all’assicuranza; il client survegn ina copia per sia informaziun. 

Cumpart al client

Per far diever da prestaziuns da tgira vegn quintau al client ina cumpart da max. fr. 7.70/di. Quella cumpart vegn quintada a persunas che han contonschiu il 18avel di da naschientscha e croda tier cass dad accidents, aschilunsch ch’il client ei segiraus per accident, sco era tier cass da tgira acuta e transitoria duront max. 14 dis suenter l’extrada ord spital. La cumpart dil client vegn buca surprida dall’assicuranza da malsauns e vegn quintada directamein al client.

Cuosts per prestaziuns dil tenercasa ed accumpignament

Era cheu vegn la gronda part dils cuosts surprida dil cantun e dallas vischnauncas. La tariffa che vegn quintada al client ei fixada sin maximal fr. 26.00/ura. Quellas prestaziuns vegnan per part surpridas dalla segirada supplementara. S’informei tier Vossa assicuranza da malsauns.

Cuosts per survetsch da tschaveras

Las tschaveras che vegnan retratgas dil survetsch da tschaveras da spitex cuostan fr. 14.00/tschavera. Cunquei che era quella tariffa cuviera buca tut ils cuosts, surprendan il cantun e las vischnauncas ina part.

Midadas da tariffa cun resalva

Tariffas 2024 (en CHF)

Tariffa cumpleina_hosps d’ordeifer_UVG_MV (versiun tudestga)